Serok Barzanî salvegera 66an a rojnameya Xebatê pîroz kir
PeyamaKurd – Serok Mesûd Barzanî bi minasebeta salvegera 66an a derketina hejmara yekem abrojnameya Xebatê peyameke pîrozbahiyê belav kir.
Di peyama xwe de, Barzanî spasiya sernûser, rojnamevan û karmendên rojnameyê kir û bal kişand ser rola girîng a Xebatê di tomarkirina têkoşîn û serpêhatiyên gelê Kurd de.
Serok Barzanî diyar kir ku rojnameya Xebat di qonaxên xebata xwe de bi dilsoziya xwe ya bi nirxên neteweyî û nîştimanî û bi gihandina peyama hevjiyana bi aşîtî, bûye dengekî serkeftî û resen ê gelê Kurd.
Wî her weha destxweşî li xebatkarên rojnameyê kir û hêviya serkeftinên zêdetir ji wan re xwest.
Rojnameya Xebat, ku yek ji kevintirîn rojnameyên Kurdistanê ye, ji sala derketina xwe ya ewil ve bûye semboleke girîng a ragihandina Kurdî.
Ev nivîs 45 car hatiye xwendin.
