Piştî peymana bi Şamê re HSDê dest bi vekişîna ji Helebê kir

PeyamaKurd – Piştî peyman ligel rêveberiya demkî ya Sûriyê ji bo taxên Kurd ên Helebê hate îmzekirin, di çarçoveya xalên peymanê de karwana yekemîn a Hêzên Sûriyeya Demokratîk (HSD) ji Helebê vekişiya. Doh jî herdu aliyan 250 dîlên bi hev guherandibûn.

Ajansa Nûçeyan a Sûriyeyê (SANA) ragihand ku karwana yekem a HSDê di bin çavdêriya Wezareta Parastinê ya Sûriyeyê de ji taxên Kurdan Şêx Meqsûd û Eşrefiye yên Helebê vekişiya.

Hate diyarkirin ku hêzên HSDê ji Helebê ber bi rojhilatê Feratê yên kontrola xwe ve vedikişîn û dê li Rojavayê Çemê Firatê tunebin.

Hêjayî gotinê ye, Meclisa Giştî ya Taxên Şêx Meqsûd û Eşrefiye ku bi ser Rêveberiya Xweser ve ye, bi desthilata Şamê re 1ê Nîsana 2025an li ser rewşa herdu taxan peymaneke ji 14 bendan pêk tê îmze kiribû.

Li gorî xalên peymanê hêzên çekdar dê tevî çekên xwe, derbasî deverên rojhilatê Firatê bibin lê hêzên asayîşê dê li taxan bimînin.

Herwiha YPJ û YPJê jî ragihandin ku ew dê ji taxên Şêx Meqûsd û Eşrefiyeyê vekişin û karê parastina herdu taxan ji hêzên  Asayîşê re bihêlin.

Ev nivîs 55 car hatiye xwendin.