Rûsya bi fuzeyê li Ûkraynayê xist: 14 kuştî
PeyamaKurd – Rûsya bi fuzeyê êrîş kir ser bajarê Ûkraynayê yê bi navê Kryvyi Rihê û bû sedema kuştina 14 kesan ku 6 ji wan zarokin. Di êrîşê de 50 kes jî birîndar bûn. Lewra Zelensky bo Rûsyayê got:
“Rûsya aştiyê naxwaze û divê dinya ev şerê han bide sekinandin.”
Şaredarê bajarê Kryvyi Rihê Oleksandr Vilkul ragihand ku di êrîşê de 14 kes mirine û 50 kes birîndar bûne. Ciyê ku Rûsya bi fuzeyê lê xistiye nêzî parka zarokaye. Zelenskiy bangî civata navdewletî kir û got:
“DYA, Ewrûpa û temamê welatên dinyayê dikarin bikin ku Rûsya dest ji şer berde. Xwurtkirina sîstema bergiriya hewayî ya Ûkraynayê wê destnîşan bike bê wê kengê şer biqede. Em aştiyê dixwazin.”
Ev nivîs 36 car hatiye xwendin.
