Fransayê bang li Sûriyeyê kir: Divê diyaloga bi HSDyê re bidome
PeyamaKurd – Çavkaniyekî yê Fransî ragihand: “Divê hikûmeta nû ew sozên ku ji aliyê desthilata demkî ya Sûriyeyê ve hatine dayîn, pêk bîne”
Her weha got: “Pêwîst e hikûmet hêvî û pêdiviyên gelê Sûriyeyê bi cih bîne.”
Di 29ê Adara 2025an de Serokê Desthilata Demkî ya Sûriyeyê Ehmed Şara hikûmeta nû ragihand. Di vê hikûmeta ku ji 23 wezaretan pêk tê de Kurd û Durzî jî cih negirtin.
Peymana HSD û Şamê
Çavkaniya dîplomatîk a Fransî got,
“Em hêvîdar in ku diyaloga ku di 10ê Adarê de di navbera Rêveberiya Demkî û Hêzên Sûriyeya Demokratîk de dest pê kir, berdewam bike.”
Di 10ê Adara 2025an de Fermandarê Giştî yê Hêzên Sûriyeya Demokratîk (HSD) Mezlûm Ebdî û Serokkomarê Sûriyeyê Ehmed Şare peymanek îmze kiribûn.
Li gorî vê peymanê ku ji 8 xalan pêk tê, dê şer û pevçûnên li seranserê Sûriyê bi dawî bibin û HSD dê di nav saziya parastina fermî ya dewleta Sûriyê de bibe yek.
Her wiha di rêkeftinê de hatibû gotin ku “Civaka Kurdî pêkhateyeke fermî ya dewleta Sûriyê ye, û dewleta Sûriyeyê bi garantîkirina mafên wan ên welatîbûnê dê mafên wan ên destûrî nas bike.”
Helwêsta Fransayê
Çavkaniya dîplomatîk a Fransî got:
“Fransa pabendbûna xwe bi peydakirina proseyeke veguhestina siyasî ya berfireh û aştiyane dubare dike. Pêwîste ev pêvajo nûnertiya hemû pêkhateyên civaka Sûriyeyê bike û mafên hemû Sûriyeyiyan garantî bike, çi ol, etnîsîte û zayenda wan be.”
Çavkaniyê her wiha got,
Ev nivîs 45 car hatiye xwendin.“Fransa amade ye di hewlên wan de piştgiriya rayedarên Sûriyeyê bike.”
