Hikûmeta demkî ya Sûriyeyê qebûl kir ku li dijî Elewiyan komkujî pêk aniye

PeyamaKurd – Rêxistina Efûyê ya Navneteweyî (Amnesty) êrîşên hikûmeta demkî ya Sûriyeyê yên li dijî sivîlên Elewî yên li beravên Sûriyeyê weke “komkujî” bi nav kir û got çekdaran bi zanebûn sivîl qetil kirine. 

Rapor diyar dike ku di 8-9ê Adarê de li Tartûs, Laziqiye û Banyasê zêdeyî 100 kes hatin kuştin, 32 ji wan bi awayekî plankirî hatin îdamkirin. 

Hikûmeta demkî ya Sûriyeyê ev îdia qebûl kirin, binpêkirinên mezhebî piştrast kir û got ev yek piştî êrîşên “bermahiyên rejîma kevin” û windabûna desthilatê çêbûye. 

Sekretera giştî ya Rêxistina Efûya Navneteweyî, Agnes Callamardê sûcên şer destnîşan kirin û banga lêpirsînên serbixwe kir. 

Hikûmeta Sûriyeyê ragihand ku kesên ku beşdarî van operasyonan bûne hatine girtin û dadgehkirineke taybet ji bo wan tê plankirin.

Ev nivîs 54 car hatiye xwendin.