Netanyahû dê serdana Amerîkayê bike

PeyamaKurd – Li gor nûçeya Axiosê, Serokwezîrê Îsraîlê Netanyahû dê roja duşemê 7ê Nîsana 2025an li Washingtonê bi Serokê Amerîkayê Donald Trump re bicive.

Di nûçeyê de hat gotin, "Mijara sereke ya serdana Netanyahû ya Amerîkayê wê bernameya nukleerî ya Îranê, şerê Xezeyê û ji nû ve destpêkirina operasyonên leşkerî yên Îsraîlê yên li herêmê be." 

Piştî ku Trump bû serok, ev cara duyem e ku Netanyahû serdana Amerîkayê dike. Netanyahû di serê sibatê de serdana xwe ya yekem a bo Washingtonê kir.

Qonaxa yekem a agirbesta di navbera Hemas û Îsraîlê de di 19ê Çileya 2025an de bi navbeynkariya Misir, Qeter û DYAyê ket meriyetê.

Îsraîlê di nîvê Adarê de dîsa dest bi êrîşên bejayî û hewayî yên li ser Şerîda Xezeyê kiribû. Netanyahû got ku armanca êrîşan azadkirina hemû dîl û tinekirina Hemasê ye.

Ev nivîs 42 car hatiye xwendin.