Polonyayê cara duyemîn balafira şer a Rûsî asteng kir

PeyamaKurd- Hate ragihandin ku balafirên şer ên Polonyayê yên cureyê MiG-29 serê sibehê balafira Rûsî ya keşfê ya bi navê İL-20, ku li ser Deryaya Baltîk firiya asteng kirin ku ev bûyera duyemîn e di vê hefteyê de diqewime.

Wezîrê Parastinê û Cîgirê Serokwezîrê Polonyayê Wladyslaw Kosiniak-Kamysz, di civîneke çapemeniyê de diyar kir, balafirên şer ên Hêzên Hewayî yên Polonyayê yên cureyê MiG-29 di saet 08.49’an de li gor dema herêmî, balafira şer a artêşa Rûsyayê ya bi navê İL-20, ku li ser Deryaya Baltîk firîna keşfê pêk aniye, asteng kirine.

Kosiniak-Kamysz anî ziman ku balafira Rûsî qada hewayî ya Polonyayê binpê nekiriye, lê ev rewş "bûyera duyemîn e ku vê hefteyê qewimiye".

Kosiniak-Kamysz destnîşan kir ku li ser Polonyayê ji rojhilatê welêt ve gefa Rûsyayê heye û wiha pê de çû: "Îro kî ku axaftineke dijî Almanya, dijî Ukrayna bimeşîne, her çi kes hestên wiha geş bike, li dijî berjewendiyên dewleta Polonyayê tevdigere."