Şîroveya Zelensky ya 'agirbestê': Em razî ne!
PeyamaKurd – Serokê Ukraynayê Volodymyr Zelenskyy ragihand ku wan pêşniyara agirbesta 30 rojî ya ku ji aliyê Amerîkayê ve di civîna li Erebistana Siûdî de hatiye kirin erênî dîtin.
Zelensky di peyama vîdyoyê ya ku li ser medyaya civakî hat parvekirin de hevdîtina heyetên DYA û Ukraynayê ya li Erebîstana Siûdî nirxand.
Zelenskyy civîn erênî nirxand û got ku di hevdîtinê de gelek detayên girîng hatine axaftin.
Rêberê Ukraynayê; Wî bi bîr xist ku Amerîka di şerê Rûsya û Ûkraynayê de pêşniyara agirbesta 30 rojî kiribû û got, "Ukrayna vê pêşniyarê qebûl dike, em erênî dibînin. Em amade ne ku gaveke wiha biavêjin û pêwîst e Amerîka Rûsyayê jî razî bike. Yanî em amade ne, eger Rûs razî bibin, wê di wê kêliyê de ev bêdengî bikeve meriyetê."
Zelenskyy tekez kir ku eger agirbest pêk were, ew ê di nava 30 rojan de bi Amerîka û hevpeymanên din re bicivin û wê li ser garantiya ewlehiyê û aştiya domdar ji bo Ukraynayê bixebitin.
Zelenskî herwiha got: "Ukrayna ji aştiyê re amade ye. Divê Rûsya jî îradeya xwe ya rawestandina şer an berdewamkirina şer nîşan bide."
