Trump: Armancên me binesaziyên Îranê ne

PeyamaKurd - Li gorî nûçeyên çapemeniya Amerîkayê, Serokê Amerîkayê Donald Trump da xuyakirin ku heta ku di navbera Washington û Têhranê de danûstandinên ji bo bidawîkirina şer pêşve biçin, îhtîmala organîzekirina êrîşên nû yên li dijî Îranê kêm e.

Trump got: "Ev rewş bi wê yekê ve girêdayî ye ku ew ê peymaneke pir xurt îmze bikin yan na.

Bersiv ev e ku bi gumaneke mezin ti pêwîstî bi êrîşên nû nemîne."Di daxuyaniyeke kurt de ku ji aliyê CNN International ve hatiye ragihandin, Trump da zanîn ku heke di diyalogê de pêşveçûn çêbibin, ew ê fermanên êrîşê nede.

Lêbelê, Serokê Amerîkayê di heman demê de destnîşan kir ku Washingtonê li Îranê armancên binesaziyê yên potansiyel diyar kirine û diyar kir ku di nava wan armancan de 38 pira ku ew dikarin "di nava saetekê de bi temamî hilweşînin" jî hene.