Trump: Em ê di demek kurt de DYAyê dîsa mezin bikin
PeyamaKurd – Serokê Amerîkayê Donald Trump got ku ew ê di demek kurt de DYAyê dîsa mezin bikin.
Trump di merasîma mezûnbûnê de li Zanîngeha Alabama ya li Tuscaloosa gotarek pêşkêş kir.
Trump tekez kir ku serketina di hilbijartinan de ji bo welêt pir girîng e û got ku wan di 100 rojên pêşîn ên serokatiya wî de tiştên "nepêşbînîkirî" bi dest xistine.
Trump diyar kir ku wan gavên radîkal avêtine, bi taybetî di derbarê ewlehiya sînor de û got ku wan derbasbûna koçberên bêserûber ji sedî 99 kêm kiriye.
"Şerên bêdawî..."
Trump got, "Gel pergaleke têkçûyî red kir, we ev yek di hilbijartinê de dît. Me gavên girîng avêtine di çareserkirina şerên bêdawî, deynên bêdawî, sînorên vekirî, enflasyona wêranker, nebûna rêzgirtinê ji bo welatê me û rêberên wê. Em ê DYAyê pir zû dîsa mezin bikin."
Trump serokatiya xwe bi gotinên "em di nîvê şoreşeke aqilê selîm de ne, şoreşeke serketî" bi nav kir û şîret li xwendekarên mezûn kir ku her tim bi zehmet bixebitin, qet dev jê bernedin û qet armancên xwe ji bîr nekin.
"Nifşa ciwan xwedî hêz e ku her tiştî bi dest bixe"
Trump got ku mezûnên Alabama yên 2025an wê di pêşeroja DYAyê de cihekî geş bigirin û nifşên ciwan xwedî jêhatîbûn û derfet in ku her tiştî bi dest bixin.
Serokê DYAyê ku behsa guhertinên ku wan di rêveberiyê de kirine kir, axaftina xwe bi hêviya serkeftinê ji xwendekarên mezûn re bi dawî kir.
Ev nivîs 42 car hatiye xwendin.
