Trump: Ez qet ji Putin ne razî me, ew min xemgîn dike!
PeyamaKurd - Serokê Amerîkayê Donald Trump bi eşkereyî nerazîbûna xwe ya li hember serokê Rûsyayê Putin nîşan da û ragihand ku ew ê çekan bişînin Ukraynayê.
Serokê Amerîkayê Donald Trump mazûvaniya Serokwezîrê Îsraîlê Benjamin Netanyahu di şîveke li Odeya Şîn a Qesra Spî de kir.
Ez qet ji Putin ne razî me
Trump, behsa axaftina xwe ya dawî ya bi telefonê bi Serokê Rûsyayê Vladimir Putin re kir ku tê de Putin got ku ew ê ji armancên xwe yên li Ukraynayê paşve gav neavêje û welatê wî wê ji armanca xwe ya jiholêrakirina sedemên şer dev jê bernede, got ku ew qet ji Putin ne razî ye û ew dixwaze şerê li Ukraynayê rawestîne.
Trump got, "Ez qet ji Putin ne razî me. Ez xemgîn im. Serok Putin rawestandin ne hilbijart. Putin min xemgîn dike."
Piştgiriya çekan ji bo Ukraynayê
Serok Trump got, "Em ê çekan ji Ukraynayê re bişînin. Divê em bişînin. Divê ew bikaribin xwe biparêzin. Niha pir dijwar li wan tê xistin," û ragihand ku ew ê ji bo cara yekem piştî Biden piştgiriya çekan ji Ukraynayê re li dijî Rûsyayê peyda bike.
