Trump heta 8ê Nîsanê dem da Îranê

PeyamaKurd - Serokê Amerîkayê Donald Trump ragihand ku wî dema 48 saetan ku dabû rêveberiya Tehranê ji bo gihîştina rêkeftinekê heta 8ê Nîsanê dirêj kiriye.

Trump di posta xwe ya dawî ya medyaya civakî de ragihand ku wî dem ji sibê heta 8ê Nîsanê dirêj kiriye ku Tengava Hurmuzê ji bo keştîyên bazirganî veke.

Trump, ku berê gef li Îranê xwaribû ger Îran di nav 48 saetan de Tengava Hurmuzê veneke, di posta xwe de hevoka "Sêşem saet 8:00 êvarê bi dema Rojhilat (Çarşem, 8ê Nîsanê, 3:00 sibê bi dema Herêma Kurdistanê)" bi kar anî.

Serokê Amerîkayê, ku di postên xwe yên li dijî Îranê de retorîka xwe hişk kiriye, piştî ku pîlotê duyemîn ê ku ji xistina balafira Amerîkî li Îranê sax filitî bi ewlehî hate rizgarkirin, ev daxuyanî derbarê dirêjkirina demê de da.

Di postek medyaya civakî de ku serê sibê bû, Trump operasyona leşkerî wekî "yek ji operasyonên lêgerîn û rizgarkirinê yên herî wêrek di dîroka Amerîkayê de" bi nav kir û ragihand ku pîlotê duyemîn jî hatiye rizgarkirin.