Trump: Rojên Maduro li ser desthilatdariyê hejmartî ne
PeyamaKurd - Serokê Amerîkayê Donald Trump ragihand ku rojên Serokê Venezuelayê Nicolas Maduro hejmartî ne.
Trump di bernameya "60 Minutes" a CBS de bersiva pirsan da.
Dema ku ji Trump hat pirsîn gelo Amerîka wê bi Venezuelayê re şer bike, wî got, "Ez guman dikim, ez wisa nafikirim. Lê ew bi me re pir xerab tevdigerin, ne tenê madeyên hişbir, lê wan bi sed hezaran mirovên nexwestî ji zindan û saziyên tenduristiya derûnî berdane welatê me."
Trump pirsa "Gelo pirsgirêka Venezuelayê madeyên hişbir e an jî çûyîna Maduro ye" ji nedîtî ve hat, lê dema ku ji wî hat pirsîn, "Gelo rojên Maduro hejmartî ne?", wî bersiv da, "Erê, ez ê wisa bibêjim."
Di derbarê gelo Amerîka wê êrîşeke leşkerî li ser axa Venezuelayê bike de, Trump got, "Gelo ev rast be an nebe, ez ne meyla wê yekê ji we re bêjim. Ez ê vê yekê ji rojnamevanan re nebêjim."
