Rejîma Îranê li ser riya Silêmanî-Dukanê êrîşî otomobîleke Komalaya Rojhilat kir: Pêşmergeyek hat qetilkirin

PeyamaKurd – Duh, êvara Çarşemê, li ser rêya navbera Silêmanî û Dukanê, di encama êrîşeke dronê de wesayîteke endamên Partiya Komeleya Zehmetkêşan a Kurdistana Îranê hat hedefgirtin.

Di vê êrîşê de pêşmergeyê bi navê Hêriş Rêncber hat qetilkirin û du endamên din ên partiyê jî birîndar bûn.

Hat ragihandin ku wesayîta ku hat hedefgirtin a cîgirê sekreterê giştî yê Komalê, Omer Îlxanîzade bû. Îlxanîzade bi xwe ji êrîşê bêyî ku birîndar bibe rizgar bû, lê pêşmergeyê bi navê Aram Behramî û hevalekî wî bi giranî birîndar bûn û neqlî nexweşxaneyê hatin kirin.

Saziya Mafên Mirov a Hengawê û çavkaniyên Komalê ragihandi ku ev êrîş ji aliyê Pasdarên Îranê (IRGC) ve hatiye kirin.