Asayîşa Rojava: 61 kesên tawan û terorîzm belav dikirin hatin girtin
PeyamaKurd- Fermandariya Giştî ya Hêzên Ewlekariya Hundirîn (Asayîşa Rojavayê Kurdistanê) li ser operasyonên dawî yên li Reqayê û herêmên li rojavayê Dêrazorê daxuyanî û ragihand, 61 kesên dixwestin tawanan bikin û terorîzmê belav bikin hatine girtin.
Fermandariyê da zanîn, “Di çend rojên borî de li Reqa û rojavayê Dêrazorê hemleyên ewlehiyê yên berfireh pêk hatine”.
Hate gotin: “Di encama van operasyonan de 61 kesên ku tên xwestin ku di terorîzm, sûc, belavkirin û bazirganiya hişbirê de beşdar bûbûn, hatin girtin. Her wiha wan gelek çek, cebilxane û teqemenî, tevî cureyên madeyên hişbir, di nav de mîsa krîstal, heşîş, Captagon û hebên din ên hişbirê desteser kirin. Tevî ku alavên ji bo bikaranîna madeyên hişbirê, mayîn, cebilxaneyên cur bi cur, bi sedan gule û cercûrên çekan hebûn.”
Hate diyarkirin: “Van hemleyan plana ewlehiyê ya berfireh temam kir ku cihên veşartgehên kesên ku tên xwestin, hedef digirtin. Tevî pevçûnên ku çêbûne jî lê hêzên me bi profesyonelî û rastbûnek bilind bersiv da û erkên xwe bi cih anîn. Di nav hêzên me de tu qurbanî çênebûn. Kesên hatine girtin ji bo dadweriyê hatin şandin.”
Ev nivîs 103 car hatiye xwendin.
