Di cejnê de 76 hezar û 654 geştiyaran serdana Hewlêrê kir
PeyamaKurd – Asayîşa Parêzgeha Hewlêrê amarên rojên betlaneya Cejna Remezanê belav kirin.
Hate ragihandin ku di 3 rojên Cejna Remezanê de, komîteya Asayîşa Parêzgeha Hewlêrê ji bo parastina aramî û asayîşa bajar û asayîşa welatiyan, planeke serkeftî bicih kiriye.
Derbarê plana geştiyariyê de, ji bo rojên Remezanê hate gotin ku weke ku hatibû plankirin, hemû tedbîr bi serkeftî hatin bicihkirin.
Herwiha avakirina komîteyeke taybet ji bo şopandina rewşa geştiyaran li navendên geştiyarî ji bo dabînkirina xizmetguzariyên tam bo geştiyaran li navendên geştyarî hate avakirin.
Hejmara geştiyarên ku tenê di rojên betlaneyê de serdana Hewlêrê kirine jî wekî 76 hezar û 654 kes hate ragihandin.
Asayîşa Hewlêrê herwiha eşkere kir ku di sê rojên cejna Remezanê de 4 bûyerên trafîkê rûdan û di encamê de 12 kes birîndar bûn.
Ev nivîs 65 car hatiye xwendin.
