Hevserokên DEMê: Em hewceyê hêza yekgirtî ya cejnan in
PeyamaKurd – Hevserokên Partiya DEMê Tulay Hatimoğulları û Tuncer Bakirhan gotin, "Em wekî welatek di serdemeke dijwar re derbas dibin. Ji ber vê yekê em ji her demê bêtir hewceyê hêza yekgirtî û vejandinê ya cejnan in."
Hevserokên Giştî yên DEMê Tulay Hatimogullari û Tuncer Bakirhan ji bo Cejna Qurbanê peyamek weşandin. Di peyamê de wiha hat gotin:
"Cejn demên herî hêja ne ji bo parvekirina êşa me, zêdekirina hêviyê û xurtkirina hevgirtin û biratiyê. Em wekî welatek di serdemeke dijwar re derbas dibin. Ji ber vê yekê ye ku em ji her demê bêtir hewceyê hêza yekgirtî û vejandinê ya cejnan in. Ev rojên taybet ji me re tînin bîra xwe ku jiyana bi hev re, aştiya civakî û pêşerojek demokratîk mimkun e."
Em xeyala welatekî dikin ku nasname, bawerî û zimanên cuda wekî welatiyên azad û wekhev bi hev re bijîn. Kurd, Tirk, Elewî, Sunnî, Ermenî, Asûrî... Hemû gelên van axan xwedî mafên wekhev in; Em têkoşîna xwe ji bo komareke piralî û demokratîk didomînin ku tê de tu kes ji ber bawerî, ziman an nasnameya xwe neyên bindestkirin. Bi vê bawerî û hêviyê, em Cejna Qurbanê ya 86 milyon welatiyên xwe pîroz dikin; Em hêvî dikin ku ev cejn ji bo me hemûyan aştî, azadî û wekheviyê bîne.”
