Zelensky: Me hîn lîsteya girtiyên ku wê werin pevguhertin ji Rûsyayê wernegirtiye

PeyamaKurd – Serokkomarê Ukraynayê Volodymyr Zelenskiy ragihand ku wan hîn ji Rûsyayê lîsteya girtiyên ku dê li gorî rêkeftina di danûstandinên Stenbolê de werin guhertin wernegirtiye.

Zelenskiy di peyama xwe ya vîdyoyî de geşedanên dawî yên derbarê şerê Rûsya-Ukraynayê de nirxand.

Zelenskiy di axaftina xwe de li ser danûstandina dîl û merasîma cenazeyê leşkeran a li gorî peymana ku di danûstandinên Stenbolê de bi Rûsyayê re hatiye kirin axivî û got ku wî di vê mijarê de agahî ji Wezîrê Parastinê Rustem Umerov û rayedarên din wergirtiye.

Zelenskyy destnîşan kir ku ew ji bo guhertina cenazeyên girtiyan û leşkeran hemû hewla xwe didin û got, "Mixabin, hîn jî ji Rûsyayê lîsteyên tevahî yên zêdetirî 1000 kesên (dîlgirtî) yên ku me li Stenbolê li hev kir, nînin."

Zelensky axaftina xwe wiha dewam kir:

"Em bawer dikin ku em dikarin pêvajoya danûstandinê bidomînin. Em ji bo vê yekê her tiştî dikin. Ger Rûs pabendî peymanan nebin, hetta di mijarên mirovî yên wiha de jî, ev yek dê gumanê li ser hemî hewldanên navneteweyî yên ji bo danûstandin û dîplomasiyê û bi taybetî jî li ser hewldanên Dewletên Yekbûyî yên Amerîkayê, pir zêde bike."

Ev nivîs 121 car hatiye xwendin.