Meydana Pêşmerge li Parîsê tê vekirin
PeyamaKurd - Fransa gaveke sembolîk diavêje ku wê dostaniya xwe ya dîrokî û hevkariya stratejîk a bi Herêma Kurdistanê re bîne dilê Parîsê.
Balyozê Giştî yê Fransayê yê Herêma Kurdistanê Yann Braem, vekirina fermî ya meydaneke bi navê "Meydana Pêşmerge" li paytext Parîsê ragihand.
Daxuyaniya Braem di resepsiyona Roja Neteweyî ya Fransayê li Hewlêrê de ku Serok Mesûd Barzanî jî beşdar bû, hat dayîn. Braem di resepsiyonê de îşev tekez kir ku ev gav, ku wê rêzê li hêzên Pêşmerge yên ku di şerê li dijî DAIŞê de qurbaniyên mezin dane bigire, wê yek ji sembolên herî berbiçav ên têkiliyên xurt ên di navbera her du aliyan de be.
Balyozê Giştî Braem nûçeya baş parve kir û got, "Ez bi taybetî plan dikim ku bi fermî Meydana Pêşmerge li Parîsê vekim."
