Rejîma Îranê di meha Adarê de 58 bidarvekirin: 8 ji wan Kurd in

PeyamaKurd – Saziya Mafên Mirov a Hengawê rapora xwe ya meha Adara 2025an a li ser bidarvekirinên ku di girtîgehên rejîma Îranê de hatine pêkanîn, weşand. 

Li gorî amarên ber destên Hengawê, herî kêm 58 girtî hatine bidarvekirin, ku li gorî Adara 2024an, cezayê bidarvekirinê 18 caran bi qasî rêjeya ji % 222 zêde bûye. 

Amarên Hengawê diyar dikin, 4 jin di nav van girtiyan de ne ku hatine bidarvekirin ku 3 bi tohmeta “kuştina bi qest” û jinek jî bi tohmeta “madeyên hişbir” hatiye bidarvekirin. 

Li gorî Hengawê tu bidarvekirinên zarokên bin 18 salî di vê mehê de nehatine tomarkirin. 

Rapora Hengawê diyar dike ku ji van 58 kesên ku hatine bidarvekirin, 8 girtî Kurd in û yên din jî ji neteweye û civakên dînî yên din in.

Ji vê rêjeyê, 30 kes bi tohmeta “madeyên hişbir” û 28 kes jî bi tohmeta “kuştina bi qest” hatine bidarvekirin.

Hengaw tekez dike ku medyaya fermî ya rejîmê cih nedaye van pêkanînên bidarvekirinan û 4 kes jî bi dizî, bêyî agahdarkirina malbatên wan hatine bidarvekirin.

Ev nivîs 72 car hatiye xwendin.