Wezîrê karên navxwe yê Herêma Kurdistanê Rêber Ahmed li Îngîltere temsîla Kurdistanê dike

PeyamaKurd – Li welatê Îngîltere Zîrwa Ewlehiya Sînor do destpêkir û li ser navê Herêma Kurdistanê Rêber Ahmed hat dawetkirin. Ji ber Kurdistan û herêm rola wan di ewlehiya herêmê û navdewletî de girînge, Rêber Ahmed hat dawet kirin bo Londrayê.

Zîrwe, di 31 Adarê de destpêkir û jimara welatên tevî zîrwê bûne ji 40 î derbas dike. Di nava wan de rayedarên di asta bilind de, wezîrên dadê û wezîrên karên hundir hene. Zîrwe ji aliyê serokwezîrê Îngîltere Keir Starmer de hat vekirin û êvara roja Yekşemê, wezîr Rêber Ahmed bi pêşwazîkirina wezîrê karên navxwe yê Îngîltere Yvette Cooper hat pêşwazîkirin.

Ahmed, ji aliyê wezareta karên navxwe ya Îngîltere de hatibû dawetkirin û serpereştiya heyeta Herêma Kurdistanê dike û di zîrwê de di destpêka zîrwê de yek ji axaftvanaye.

Di rojeva zîrwê de têkoşîna bi karê qaçax yên mirovan re, nûjenkirina mekanîzmayên kontrola sînoran û bo bersiva zahmetiyên ewlehiya sînoran bibînin wê çawa xwe bi pêş bixin, li ser wan biaxifin.

Di resepsiyona pêşwazîkirinê de wezîr Rêber Ahmed, bi wezîrê Iraqa federal yê karên navxwe, wezîrê karên navxwe yê Almanya, wezîrê koçê yê Hollanda, wezîrê dadê yê Îsveçê, wezîrê koçê yê Çînê, wezîrê karên navxwe yê Bûlgaristanê û ji gelek welatên din re, di asta wezîr û rayedaran de ku tevî zîrwê bûn, bi wan re axifî.

Mijara wan bi taybetî li ser koordinasyona ewlehiya sînoran, parvekirina agahiyan û pêşdebirina şiyanan e.

Herêma Kurdistanê bi taybetî bi sedema reva ji ber DEAŞê di herêmê de xwedî role, bi terorê re têdikoşe û bi koalîsyonê re xwediyê roleka hevpare.

Herêma Kurdistanê demekî dirêje bi van mijaran re têdikoşe û rola wê di îstîqrara herêmê de û ji ber wê, di asta dinyayê de bi taybetî di koça bo Ewrûpayê de, xwedî rol e.

Rêber Ahmed di van mijaran de tecrubên xwe parve dike û wê çawa ber li koçê bigrin, parvekirinan dike.

Ev nivîs 40 car hatiye xwendin.