YPG: Em berpirsiyarê bûyera di 2013an li Amûdê qewimî ne

PeyamaKurd - YPG di derbarê  bûyera di 27-28 Hezîrana 2013an li Amûdê qewimî  daxuyanî da.  

Li ser navê PYDê, berdevkê YPGê Nûrî Mahmûd got, em berpirsiyarê vê bûyerê ne û  lêborîna xwe radigihînin.

Nûrî Mahmûd di daxuyaniyê de got:

Bûyera ku di 27-28ên Hezîrana 2013an de li Amûdê qewimîi facia bû. Ziyaneke mezin gîhand gele me. Divê di dîroka gele Kurd û Rojava de, dubare nebe. Em weke Fermandariya Giştîniya Parastina Gel YPG, xwe berpirsiyarê vê bûyera xemgîn dibinin û bi şaşitiya mezin ya ku  di encama  rûbirûhatineke yekîneyeke me ya leşkerî dema ku ji eniyên şer vedigeriya û rastî komek jixwepêşanderê li navenda asayîşê ku kom bûbûn, daxwaza serbestberdana ciwanên çalakvan dikirin û di encamê de kesên bêguneh jiyana xwe ji dest dan îtiraf dikin. Em weke Fermadariya YPGê, xemgîniya xwe ya kûr û mixabiniya xwe raver dikin. Herwiha em amade ne her tiştê pêwîst bikin da ku vê birînê ji dîroka Şoreşa Rojava da derman bikin. Lêborîna xwe radigrînin û tazminata manewî, maddî ji malbatên şehîdên gelê me yên bajarê Amûdê ra peşkeş dikin.  Ji bo pêkanîna lihevhatinê û bidestxistina aşitiyê, aramî û ewlehiya gele me da, me fedakarî kiriye. Ev yek erk e û mafê gele me ye li ser mile me. Peywirek e ji bo her kesî parastin û ewlehiya vî gelî misoger dike, em amade ne her tiştê pêwîst bikin.