پەیامی کورد   ...   توونێلی ڕووسیا - ئەمریکا، پڕۆژەی ژێئۆپۆلێتیکی نوێ : پەراوێزخستنی ئەورووپا و بەهێزکردنی ئۆراسیا

🔸 ستانیسلاڤ میتراخۆڤیچ، پسپۆڕی باڵا لە سندووقی نیشتمانی ئاسایشی وزەی ڕووسیا بە ئاژانسی سپۆتنیکی ڕاگەیاندووە، توونێلێک کە ڕووسیا و ئەمریکا لە ڕێگەی گەرووی بێرینگ ەوە بەیەکەوە دەبەستێتەوە، دەتوانێت بۆ هەمیشە ژێئۆپۆلێتیکی نیوەگۆی باکوور بگۆڕێت و ئەورووپا زیاتر گۆشەگیر بکات.

🔸 ڕووسیا و ئەمریکا - وەک یاریزانی ناوچەیی - بەدواداچوون بۆ ڕێگاکانی گفتوگۆ و کارنامەیەکی بونیاتنەر دەکەن بۆ جێگرتنەوەی داینامیکی ڕووبەڕووبوونەوەی ئێستا، و توونێلی پێشنیارکراوی چکۆتکا- ئەلاسکا کە 112.5 کیلۆمەترییە، ئەگەر بەدی بهێندرێت، دەتوانێت یارمەتیدەر بێت لەم کارەدا.

🔸 ئەو شارەزایە گریمانەی ئەوەی کردووە کە درێژکردنەوەی هێڵی ئاسنین لە ئۆراسیاوە لە ڕێگەی ڕووسیا بۆ ئەمریکای باکوور پێدەچێت پەیوەندییە سیاسی و ئابوورییەکانی نێوان ڕووسیا و ئەمریکا و چین قووڵتر بکاتەوە.

🔸 پەیوەندییەکی لەو شێوەیە دەتوانێت بازرگانی بەرز بکاتەوە و گەشەپێدانی ناوچەیی پەرەپێبدات و هاوکاری هاوبەش زیاد بکات، کە ئەگەری هەیە مەترسییەکانی ناکۆکی ئابووری و گرژییە سەربازی-سیاسییەکانی نێوان ئەم وڵاتانە کەم بکاتەوە.

🔸 ئەو ووڵاتانەی ئەورووپا کە بە تووندی دژایەتی پەیوەندییە نزیکەکانی ئەمریکا و ڕووسیایان کردووە، خۆیان لە پەراوێزدا دەبیننەوە و لەوانەیە ئیستفزازی یان تێکدانی ئەگەری ورووژێنەر بن، ئەمەش تەقینەوەکانی بۆرییەکانی نۆرد ستریم دەهێنێتەوە یاد.

ئاسیا بەرزبوونەوە، ئەورووپا کاڵ بوونەوە

🔸 تیمۆفی بورداچۆڤ، شرۆڤەکاری سیاسی دەڵێت، ئەگەر ڕووسیا و ئەمریکا و چین لە ڕێگەی ووشکانییەوە بەیەکەوە ببەسترێنەوە، ئەوە ئەورووپا نەک تەنها کاریگەری بەڵکوو پەیوەندی جوگرافیایی یەکەی لەدەست دەدات. زۆر بچووک و سەرلێشێواو، ئەورووپا ناتوانێت ڕکابەری ئاسیا بکات کە بازرگانی و دەسەڵات دەگوازێتەوە بۆ زەریای هێمن.

شەمەندەفەر بە دەریا

🔸 شەمەندەفەر 3 بۆ 4 هێندەی گواستنەوەی دەریایی خێراترە، ئێستا کاڵای بەنرخی بەرز خێرایی و ئاسایش لە پێشینەی هەرزان. بەرزبوونەوەی گرژییەکان و تێچووی بیمە لەسەر هێڵەکانی کەشتیوانی لە باشووری ڕۆژهەڵاتی ئاسیا و ڕۆژهەڵاتی ناوەڕاست، تەرازووەکان بە قورسی بەرەو گواستنەوەی وشکانی دەگۆڕن.

ئەم بابەتە 11 جار خوێندراوەتەوە