پەیامی کورد    ...   سێ ووڵاتی ئەورووپایی بە فەرمی میکانیزمی ماشەیان دژی کۆماری ئیسلامی چالاک كرد

بە پێی ڕاپۆرتی ئاکسیۆس، فەرەنسا، ئاڵمانیا و بەریتانیا، بەرەبەیانی ڕۆژی پێنجشەممە بە ناردنی نامەیەک بۆ ئەنجوومەنی ئاسایشی ڕێکخراوی نەتەوەکان، ڕایانگەیاندووە کە میکانیزمی ماشە بۆ دووبارە سەپاندنەوەی سزاکانی نەتەوە یەکگرتووەکان بەسەر کۆماری ئیسلامی ئێران دا چالاک دەکەن. ئەم سزایانە بە پێی ڕێککەوتنی ئەتۆمی ساڵی ٢٠١٥ ڕاگیرابوون.

هەر سێ ووڵات لە نامەکەیاندا جەختیان لەوە کردووەتەوە کە تا ٣٠ ڕۆژی داهاتوو ئامادەی دانووستان لەگەڵ ڕێژیمی ئێران بۆ گەیشتن بە ڕێککەوتنێکی ئەتۆمی هەن کە بتوانێت کاراکردنی میکانیزمی ماشە ڕابگرێت.