پەیامی کورد   ...   هاککردنی داتابەیسی نهێنی سوپای پاسداران، پڕۆژەی کۆنترۆڵ کردنی عەقڵی گەلی ئێران ئاشکرا بوو!

🔹بەپێی ڕاپۆرتێک کە لە ماڵپەڕی هاک نۆتیس بڵاو کراوەتەوە، یەکێک لە گەورەترین فەزیحە ئەمنیەتییەکانی ڕێژیمی کۆماری ئیسلامی ڕووی داوە؛ دیواری ئاسنی سوپای پاسداران داڕما و داتابەیسی نهێنی سوپای پاسداران کە بۆ کۆنترۆڵکردن و سەرکوتکردنی گەلی ئێران داڕێژرابوو، هاک کرا و زانیارییەکانی دزەپێکرا. ئەم داتابەیسە بەشێک بوو لە پڕۆژەیەکی چاودێری سەرتاسەری لەسەر هاووڵاتیانی ئێران کە بە ئامانجی ناسینەوەی چالاکانی سیاسی، ڕۆژنامەنووسان، ناڕازییان و تەنانەت بەکارهێنەرانی ئاسایی لە تۆڕە کۆمەڵایەتییەکاندا جێبەجێ کرا. بێ گومان ئەم ڕووداوە زەربەیەکی کوشندەیە لە دڵی چاودێری سوپای پاسداران و ئەوە نیشان دەدات کە ئامێری سەرکوتکردنی ڕژێم تەنانەت بۆ هێرشەکانی هاکەرە ئازادیخوازەکان ئامادەیە.

🔹 بە ووتەی شارەزایانی ئاسایشی ئینتەرنێت و دەروونناسان، هاککردنی داتابەیسی سوپای پاسداران، پڕۆژەیەکی نهێنی ئاشکرا کردووە کە هەوڵێکی سەیر و سەمەرەی کۆنترۆڵ و ئەندازیاری کۆمەڵایەتی لەلایەن سوپای پاسدارانەوە پیشان دەدات، کە بێگومان هەرجارە لەگەڵ زیادبوونی هۆشیاری خەڵکدا بە شێوەیەکی شەرمەزارتر شکست دەهێنێت.

🔹 بە پێی زانیارییە دزەپێکراوەکان، ئەم ڕێکخراوە تیرۆریستییە بە کەڵک وەرگرتن لە تەکنۆلۆژیای زیرەکی دەستکرد و ئەلگۆریتمەکانی شیکاری ڕەفتار، داتای کەسی بەرفراوانی هاووڵاتیانی ئێرانی لە ڕێگەی تۆڕە کۆمەڵایەتییەکان و پەیامەکانەوە کۆدەکاتەوە و پرۆسێسیان دەکات. ئامانجی ئەم ئۆپراسیۆنە درووستکردنی پرۆفایلی دەروونی وورد بوو بۆ دەیان هەزار کەس بە مەبەستی پێشبینیکردن و کۆنترۆڵ کردنی ڕەفتار و مەیلەکانیان.

🔹ئەم سیستەمە کەسانی بە کەڵک وەرگرتن لە مۆدێلی کەسایەتی مایرس-بریگز پۆلێن کردووە و شێوازێکی ڕەفتار یان "ئارکیتایپ"ی بۆ هەر گروپێک دیاری کردووە بە مەبەستی دیاریکردنی ئاستی ئەو مەترسییەی کە لەسەر پێکهاتەی دەسەڵات دروستی دەکەن.

🔹 بە پێی ڕاپۆرتەکە، هەندێک جۆری کەسایەتی بە تایبەتی چاودێری کراوە؛ بۆ نموونە:
یەک ENTJ (سەرکردە سرووشتییەکان و بڕیاردەرانی بەهێز)
دوو ENFP (کۆمەڵایەتی و توانای کۆکردنەوە و تۆڕکردن)
سێ INTJ (پلاندانەر و شیکارانی ستراتیژی)
وە چوار INFP (ئایدیالیست و پابەند بە بەها مرۆییەکان) بە تایبەتی چاودێری کراون.

🔹 شارەزایان پێیان وایە کە ئەم ڕێبازە ڕێگەی بە سوپای پاسداران داوە کە تاکەکانی ئەگەری مەترسیدار بۆ سیستەمەکە دەستنیشان بکەن و لەخۆیان بگرن تەنانەت پێش ئەوەی ناڕەزایەتی یان چالاکی ناڕەزایەتی ڕووبدات. ئەم ئاشکراکردنە وێنەیەکی ڕوون لە هەوڵی سیستەماتیکی کۆماری ئیسلامی ئێران بۆ ئەندازیاری بیرکردنەوە و کردارەکانی کۆمەڵگا و بێدەنگ کردنی هەر دەنگێکی ناڕازی بە ئامرازە تەکنۆلۆژییە پێشکەوتووەکان دەکێشێت.