پەیامی کورد   ...   هێزەکانی ئەمریکا لە بەغدا و ناوچەی سەوز دەکشێنەوە

سەرچاوه خۆجەیی یەکان باسیان لەوه کردووه که ئەمڕۆ سەرجەم بنکەکانی بەغدا و ناوچەی سەوز چۆڵ دەکرێن و تەنها ژمارەیەکی سنووردار له سەربازەکان له ژێر پەردەی "مەشق و ڕاهێنان"دا ماون. هەروەها شەوی ڕابردوو دوایین ئامێری لۆجیستیش گواسترایەوە.

بەگوێرەی سەرچاوەکان، کشانەوەکە ناوچەی ئەلخەدرە (سەوز) دەگرێتەوە کە ناوەندە دیپلۆماسی یەکانی ڕۆژئاوا و بارەگای فەرمی و فڕۆکەخانەی بەغدا و بارەگای ئۆپراسیۆنە هاوبەشەکانی تێدایە.

وەتەبێژی باڵیۆزخانەی ئەمریکا لە بەغدا هەروەها پشتڕاستی کردەوە کە هێزەکانی هاوپەیمانان لەژێر ئەرکی “ئیرادەدار” چوونەتە قۆناغی کۆتایی ئۆپراسیۆنە سەربازییەکان لە عێراق وەک پلانی بۆ دانرابوو.