پەیامی کورد    ...   هێرشی ووردی سوپای ئیسرائیل بۆ سەر کەشتی جاسووسی “زاگرۆس” سەر بە کۆماری ئیسلامی

لە درێژەی هێرشە ئامانج دارەکانی سوپای ئیسرائیل بۆ سەر ژێرخانی سەربازی و هەواڵگری ڕێژیمی کۆماری ئیسلامی، ئەمڕۆ کەشتی “زاگرۆس” کە وەک یەکێک لە کەشتییە سیخوڕییەکانی سەر بە دامەزراوە ئەمنیەتی و دەریاییەکانی سوپای پاسداران چالاکی دەکرد، کرایە ئامانج و نوقم بوو.

ئەو کەشتییە لەژێر پەردەی ئەرکە مەدەنییەکان سەرقاڵی چاودێری و گوێگرتن لە پەیوەندییە دەریاییەکان بوو لە کەندئاوی فارس و دەریای عوممان و وەک یەکێک لە ئامرازە گرینگەکانی سیخوڕی کۆماری ئیسلامی لە ئۆپراسیۆنە هەواڵگرییەکانی ناوچەکەدا ناسراو بوو.

ئەو زیانانەی بەرکەوتوون قورسن و قەرەبوو ناکرێنەوە.

ئەم هێرشە بە یەکێک لە گورزە سەرەکییەکان لە تۆڕی ئیتلاعاتی سوپای تێرۆریستی پاسداران دادەندرێت و جارێکی دیکە نیشانی دا کە دیکتاتۆرێکی دۆڕاوی وەک خامنەیی باجی شێتی نیزامیگەری لە گیرفانی خەڵکی ئێرانەوە دەدات.