چەند شوێنێک لە سووریا لە لایەن ئیسرائیل ەوە بۆمباران کرا

پەیامی کورد ... چەند شوێنێک لە سووریا لە لایەن ئیسرائیل ەوە بۆمباران کرا
ئاژانسی هەواڵی فەرمی سووریا ڕایگەیاند : فڕۆکە جەنگییەکانی ئیسرائیل چەند شوینێکیان لە سووریا بۆمباران کرد.
ئاژانسی هەواڵی فەرمی سووریا "سانا" بڵاوی کردەوە، فڕۆکە جەنگییەکانی ئیسرائیل بە ئاسمانی سووریادا دەسووڕێنەوە و چەند شوێنێکیان بۆمباران کردووە، دەنگی چەند تەقینەوەیەکی گەورەش بیستراون.
هەروەها ئاماژەی بەوە دا، فڕۆکە جەنگییەکانی ئیسرائیل ناوەندێکی لێکۆڵینەوەی زانستییان لە گەڕەکی مەساکن بەرەزە لە دیمەشق بۆمباران کردووە، تەقینەوەیەکی گەورەش لە ناوەندەکەدا ڕووی داوە.
بە پێی هەواڵی ئەم ئاژانسە ، فڕۆکەکان تەنیا بۆمبارانی دیمەشق یان نەکردووە، بەڵکوو فڕۆکەخانەی سەربازی حەما و دەورووبەری فڕۆکەخانەی T4ـی سەربازی لە حومسیش بۆمباران کردووە.
ئەم بابەتە 15 جار خوێندراوەتەوە




