پەیامی کورد   ...   ترامپ لەگەڵ سەرۆکی تەحریر شام کۆدەبێتەوە

کەناڵی تەلەفزیۆنی I24ی ئیسرائیلی چوارشەممە بڵاویکردەوە، دۆناڵد ترامپ، سەرۆکی ویلایەتە یەکگرتووەکانی ئەمریکا لە میانی سەردانەکەیدا بۆ سەعوودیە لە ناوەڕاستی مانگی ئایاردا لەگەڵ ئەحمەد شەرع (ئەبوو محمد جۆلانی) سەرۆکی تەحریر شام کۆدەبێتەوە.

بەگوێرەی ڕاپۆرتێک ، لە ڕاپۆرتەکەدا هاتووە کە دیدارە پێشبینی کراوەکەی ترامپ و حاکمی ئێستای سووریا بە نێوەندگیری شەخسی محەمەد بن سەلمان شازادەی جێنشینی سەعوودیە ئاسانکاری بۆ کراوە.

بەگوێرەی ڕاپۆرتی هەواڵدەری ڕادیۆ نۆڤۆستی، کارۆلین لیڤیت، ووتەبێژی کۆشکی سپی ڕۆژی سێشەممە ڕایگەیاند کە ترامپ بەنیازە لە مانگی ئایاردا سەردانی سەعوودیە بکات، هەرچەندە هێشتا وادەی ووردی ئەو ووڵاتە دیار نییە.