پەیامی کورد   ...   بەشداریکردنی تیمێکی وەزارەتی ناوخۆ و بەڕێوبەرایەتی بەرگری شارستانی لە پڕۆژەی Synergies

بە گوێرەی هەواڵەکان لە چوارچێوەی هاوبەشی لە نێوان وەزارەتی ناوخۆی ئاڵمانیا و ئاژانسی فیدڕاڵی ئاڵمانی بۆ هاوکاری تەکنیکی THW، لەگەڵ وەزارەتی ناوخۆی حکوومەتی هەرێمی کوردستان و ناوەندی هاوبەشی هەماهەنگی قەیرانەکان، لە ڕێکەوتی ۱ تاوەکوو ٤ـی نیسانی ۲۰۲٥، تیمێکی وەزارەتی ناوخۆ و بەڕێوبەرایەتی گشتی بەرگری شارستانی لە تاقیکردنەوەیەکی ۳ ڕۆژی بۆ دۆزینەوەی باشترین ڕێگای نوێ بۆ ڕزگارکردنی هاووڵاتیان و تیمەکانی ووڵامدانەوە لە کاتی کارەساتەکان و بەکارهێنانی تەکنۆلۆژیا و ژیری دەستکرد لە ووڵاتی پۆڵەندا بەشداربوون.
شایەنی باسە لە ڕاهێنانەکەدا چەندین تیمی نێودەوڵەتی تێیدا بەشداربوون، کە ئەم تاقیکردنەوەیە بە هەماهەنگی وەزارەتی ناوخۆ و ئاژانسی فیدڕاڵی ئاڵمانیا بۆ هاوکاری تەکنیکی THW بەڕێوەدەچێت، تاوەکوو باشترین ئامێر بدۆزرێتەوە بۆ ڕزگارکردنی هاووڵاتیان لەلایەن تیمەکانی ووڵامدانەوە.