پەیامی کورد   ...   سەرۆکی حکوومەتی هەرێمی کوردستان پیرۆزبایی لە یەکیتی نیشتمانی کوردستان کرد

مەسروور بارزانی، سەرۆکی حکوومەتی هەرێمی کوردستان، بە بۆنەی 50یەمین ساڵیادی دامەزراندنی یەکیتی نیشتمانی کوردستان، پیرۆزبایی ئاراستەی سەرۆک و سەرکردایەتی و گشت ئەندام و لایەنگرانی یەکیتی نیشتمانی کوردستان دەكات.

یەكشەممە 1/6/2025، مەسروور بارزانی، سەرۆکی حکوومەتی هەرێمی کوردستان، لە ساڵیادی دامەزراندنی یەکیتی نیشتمانی کوردستان، پەیامێكی پیرۆزبایی بڵاو كردەوە و ڕایگەیاند، "بە بۆنەی 50یەمین ساڵیادی دامەزراندنی یەکیتی نیشتمانی کوردستان، گەرمترین پیرۆزبایی ئاراستەی سەرۆک و سەرکردایەتی و گشت ئەندام و لایەنگرانی یەکیتی دەکەم و هیوای سەرکەوتنیان بۆ دەخوازم."

ئومێدەوارم یەکیتی وەک حزب و لایەنێکی گرینگی هەرێمی کوردستان، لە خەبات و تێکۆشانی خۆی لەپێناو داکۆکیکردن لە پرس و دەسکەوتە نیشتمانییەکان و قەوارەی دەستووری هەرێمی کوردستان سەرکەوتوو بێت.

لەم بۆنەیەدا، جەخت لە پێویستی پێکهێنانی کابینەی نوێی حکوومەتی هەرێمی کوردستان لە زووترین کاتدا دەکەینەوە، بۆ ئەوەی درێژە بە کارنامە چاکسازییەکەی و خزمەتکردنی خەڵکی کوردستان بدات و ڕووبەڕووی ئاڵنگارییە هەرێمی و ناوچەیی یەکان ببێتەوە.