Li Ozbekistanê ji bo Cejna Remezanê 488 girtî hatin efûkirin
PeyamaKurd – Serokomarê Ozbekistanê Şevkat Mîrziyoyev bi minasebeta Cejna Remezanê biryara efûkirina 488 girtiyan îmze kir.
Li gorî daxuyaniya Navenda Çapemeniyê ya Serokomariyê, di çarçoveya efûya girtiyên ku "ji sûcê xwe poşman bûne û dest bi başbûnê kirine" de 368 kes serbest hatine berdan û 120 girtiyan jî cezayê wan hatiye kurtkirin.
Di nav kesên ku hatine efûkirin de 5 endamên rêxistinên derqanûnî hene ku 37 ji wan temenê wan ji 60 salî mezintir in, 37 jin û 17 girtiyên biyanî hene.
Par di betlaneya Cejna Remezanê de bi biryarnameyeke bi heman awayî 426 girtî hatibûn efûkirin. Li Ozbekistanê, biryarên efûyê bi rêkûpêk di cejnên neteweyî û olî de ji bo girtiyên ku ji sûcên xwe poşman dibin, têne sepandin.
