Li Urlayê bi çekan li hev xistin: 3 kuştî û 7 zîndanîkirin

PeyamaKurd – Li bajarê Tirkiyê Îzmîrê li navça Urlayê di mekanekî de pevçûna devkî bi êrîşa çekdarî encam da û di encamê de 3 kes hatin kuştin.

Bûyer li ser munaqeşa kesê bi navê Mustafa Sarıtaş (57) û biraziyê wî Sadık Sarıtaş (35) ku her dû jî karkerên avahiyane, dema çûn ciyê ahengekî mûzîkal, bi 2 kesan re munaqeşe kirin.

Piştî munaqeşê ap û birazî derketin derveyê kargehê. Pevçûn li wir destpêkir û Sadık Sarıtaş, mamê wî Mustafa Sarıtaş û jina biyanî ya bi navê Valentina Gurgenadze (51) bi demançê birîndar bûn.

Dema tîmên tenduristiyê çûn ciyê bûyerê dîtin ku her sê li ciyê bûyerê can dane.

Hêzên asayîşa navça Urlayê karibûn sûcdar tesbît bikin û tevî demança wî ew bigrin. 12 gumanbaran xistin binçav û wan şandin edliyê. Ji gumanbaran H.B. (43), S.S. (49), Y.Y. (56), T.S. (34), G.S. (32), M.O. (44) û F.S. (21) hatin zîndanîkirin. 5 kesên din bi şertê kontrola edlî serbest berdan.

Ev nivîs 45 car hatiye xwendin.