Macron bertek ji bacên Trump re nîşan da: Xedar û bêbingeh in!
PeyamaKurd - Serokomarê Fransayê Emmanuel Macron, bacên gumrikê ku Serokê Amerîkayê Donald Trump ji bo Yekîtiya Ewropayê (YE) eşkere kirin, weke kiryareke "xedar û bêbingeh" binav kir û got, "Wê Amerîkî ji doh lawaztir û xizantir bibin."
Macron, piştî ragihadina bacên gumrikê yên Serokê DYA Donald Trump, bi nûnerên sektorên Fransî re civiya.
Macron, bacên gumrikê yên Trump weke "xedar û bêbingeh" binav kir û got ku ev gav "ji bo bazirganiya navneteweyî şokek e."
Macron anî ziman ku ev bac dê li ser aboriya Ewropayê "bandorek gelemperî" çêbikin û diyar kir, "Tiştekî teqez heye, bi vê biryara ku şeva borî hatiye girtin, aboriya DYA û Amerîkiyan dê ji doh lawaztir û xizantir bûye."
Herwiha Macron destnîşan kir ku divê Ewropa "sektor bi sektor" bersivê bide van bacan û got, "Ev gav, yekîtî û berxwedana aborî ya Ewropayê diceribîne. Lê em amade ne. Em ê bi rêxistina li gorî sektoran mafên xwe biparêzin."
Ev nivîs 58 car hatiye xwendin.
