Pentagonê piştgiriya xwe ya berdewam bo HSDê ragihand
PeyamaKurd - Berdevkê Wezareta Bergiriya Amerîkayê (Pentagon) Patrick S. Ryder ragihand, ew berdewam bi Hêzên Sûriya Demokratîk (HSD) re di nava hevahengiyê de ne û dê piştgiriya wan berdewam bike.
Ryder di civîneke rojnamevanê de got ku wan bi moşekan bersiva êrîşên li dijî baregehên xwe yên li rojhilatê Sûriyê dane û diyar kir, ew Heyet Tehrîr Şamê weke hêzeke terorîst dibînin û niha wan bala xwe hemû daye ser parastina hêzên xwe ji DAIŞê.
Hêjayî gotinê ye, 14 baregehên Hevpeymaniya Navdewletî li Sûriyê hene û berdewam rastî êrîşên komên girêdayî Îran û rejîma Sûriyê tên.
Ev nivîs 30 car hatiye xwendin.
