Pete Hegseth: Kapasîteya leşkerî û hêza deryayî ya Îranê hatiye tunekirin

PeyamaKurd - Wezîrê Parastinê yê Amerîkayê Pete Hegseth li bajarê Colorado Springs ê eyaleta Coloradoyê ragihand ku Îran dê tu caran nebe xwediyê çekên nukleerî.

Hegseth tekez kir ku Serokê Amerîkayê Donald Trump di vê mijarê de bi biryar e û got: "Heke ew vê yekê kêm bigirin û bifikirin ku ew ne cidî ye, ev ê bibe ziyana wan bixwe. Niha demeke wisa ye ku ew dikarin bêyî ti şantajan dev ji van planan berdin, lê heke na ev yek dikare bi rêya dijwar jî pêk bê."

Hegseth bal kişand ser serkeftina operasyonên leşkerî yên bi navê "Midnight Hammer" û "Epic Fury" û da xuyakirin ku kapasîteya leşkerî ya Îranê û hêza deryayî ya wan hatiye tinekirin.

Wezîrê Parastinê destnîşan kir ku Tengava Hurmiz di bin kontrola wan de ye û got ku tevî hewldanên nûveavakirinê yên Tehranê, vegera wan a leşkerî dê pir hêdî be û di destê Trump de hemû vebijark li ser masê ne.