Putin li ser garantiyên ewlehiyê ji bo Ukraynayê razî bû
PeyamaKurd - Nûnerê Taybet ê Serokê Amerîkayê Donald Trump, Steve Witkoff got ku Serokê Rûsyayê Vladimir Putin di çarçoveya peymana aştiyê de li ser "garantiyên ewlehiyê ji bo Ukraynayê" razî bûye.
Nûnerê Taybet ê Trump, Witkoff, ku danûstandinên di navbera Amerîka û Rûsyayê de dimeşîne, di hevpeyvînekê de bi kanala Amerîkî CNN re derbarê peymaneke aştiyê ya potansiyel di navbera Rûsya û Ukraynayê de daxuyanî da.
Witkoff diyar kir, "Me li hev kir ku Amerîka û welatên din ên Ewropî dikarin ji (Ukraynayê) re xalek mîna madeya 5an pêşkêş bikin, ku wê garantiyên ewlehiyê jî tê de bin. Putin got ku endametiya NATOyê ala sor e. Ji ber vê yekê, tiştê ku em nîqaş dikin ev e ku em texmîn bikin ku ev derbasdar e. Em difikirin ku Ukraynî jî wê qebûl bikin. Di vê rewşê de, me karibû vê tawîzê bi dest bixin ku Amerîka dikare parastinê mîna madeya 5an pêşkêş bike."
Witkoff diyar kir ku "ev cara yekem e ku Rûsan qebûl kirine" tevlîkirina xalek wisa di peymana aştiyê de û ev pêşveçûnek pir girîng e li ser rêya peymaneke aştiyê.
