Rûsya: Êrîşa li ser navendên nukleerî yên Tehranê neqanûnî ye û nayê qebûlkirin
PeyamaKurd – Wezareta Karên Derve ya Rûsyayê ragihand ku "Êrîşa li ser navendên nukleerî yên Tehranê dikare bibe sedema felaketeke mirovî li herêmê."
Wezareta Derve ya Îranê doh ragihand ku Cîgirê Wezîrê Derve yê Îranê Mecîd Text Ravançî û Cîgirê Wezîrê Derve yê Rûsyayê Sergey Ryabkov bi rêya telefonê li ser bernameya nukleerî ya Tehranê gotûbêj kirin.
Wezareta Derve ya Rûsyayê ragihand ku her gef û êrîşek bo ser navendên nukleerî yên Îranê neqanûnî ye û nayê qebûlkirin û ev yek dikare bibe sedema karesateke mirovî li Rojhilata Navîn û cîhanê.
Berdevkê Kremlînê Dmitriy Peskov ragihand ku welatê wî amade ye di navbera Îran û Amerîkayê de li ser pirsa nukleerî ya Tehranê navbeynkariyê bike.
Wezîrê Derve yê Fransayê Jean Noel Barrot roja Çarşemê 02.04.2025ê di axaftina xwe ya li parlamentoya welatê xwe de ragihand ku derfeteke nû ji bo sînordarkirina bernameya nukleerî ya Îranê derketiye holê.
Jean Noel Barrot hişyarî dabû ku ger lihevkirin çênebe wê li herêmê şerekî leşkerî derkeve.
