Serokê SOHRê: “Eger li hemberê Kurda şerekî dest pê bike, kes nikare bi Kurda”
PeyamaKurd – Serokê Mala Çavdêriyê yê Mafên Mirovan yê Sûriyê (SOHR) Rami Abdulrahman, tevî bernama Rûdawê bû û baweriyên xwe yên li ser Rojavayê Kurdistanê parvekir. Abdulrahman got:
“Wê ti kes li hemberê Kurda şer nede destpêkirin. Eger li hemberê Kurda şerekî bidin destpêkirin, kes nikare Kurda têk bibe. Helebçekî dinê çênabe û enfalekî dinê naqewime.”
Îro HSDê û hukumeta Şamê beranberê hev li dora 250 kesan berdan û pêvajoyekî dan destpêkirin.
Abdulrahman, ragihand ku hukumeta Şamê û meclisa herêmên Şêx Meqsûd û Eşrefiye peyman girêdan û di wê çarçovê de 246 kes serbest hatin berdan. Ji girtiyan hene ku hêj nehatine berdan.
Abdulrahman got ku ji Şamê hinek girtî hatin berdan û ev berdan di çarçova peyaman di navbera hukumeta Şamê û HSDê de hatin berdan. Abdulrahman got:
“Hêvî dikim ku pêvajoya guhertina esîran dewam bike, rewşeka dinê ya wekî Şengalê nebe û komkujiyekî dinê neqewime. Pêwsite li herêmê aştî bibe.”
Li ser daxwuyaniyên li dijî Kurdan û leystikên ku tên leystandin, serokê SOHRê weha dewam kir:
“Îro di kanalekî televizyona Ereb de min dît ku leşkerekî digot ku HSD ji Îsraîlê destekê distîne û têkiliya wê bi Îsraîlê re heye û di vê navberê de Îsraîlê êrîşê Sûriyê kiriye an ku her du mijaran bi hev re girêdida. Divê kesên di kanalên Ereb re xeberên weha didin, bên bêdengkirin da fitne û fesadî dernê.
Endamên Partiya Nû fitne dikin. Yek ji wan di kanala Ereb de diaxife û li hemberê Kurda şowenîstiyê dike. Dibêje ‘Kurd koçberin’ û ‘Kurd 60 sale li Sûriyê dijîn’. Kurd perçeyekî Sûriyê ne û hun çawa ji Kurda re dibêjin Koçber? Eger li hemberê Kurda şerekî destpêbike, kes nikare Kurda têk bibe.
Eger hun dibêjin HSD bi îsraîlê re hevkariyê dike, wê wextê çima hukumeta Şamê peymanên bi HSDê re kiriye betal nake û li hembere Kurda dest bi şer nake? Çawa berê li hemberê Elewiyan şer kiribûn!”
Li ser mijara bûyerên Lazkiyê, serokê SOHRê got ku li Lazkiyê 1712 sîvîl ên Elewî mirin. Ji aliyê grûbên çekdar bi awayekî cûr bi cûr hatin kuştin. Rami Abdulrahman got:
“Serokê Banka Navendê yê bajarê Banyasê Ebu Suleyman hat kuştin û cesedê wî şewitandin. Cesedên 2 kurên wî û cesedên cîranên wî şewitandin. Di destê min de qeydiyên deng û belge hene. Kesên bi me re têkiliyan datîne behsa van komkujiyan dikin. Ferqa van komkujiyan û ya Şengalê ji hev tine.
Ev paqijiyekî etnîkiye. Eger civaka navdewletî û çapemenî behsa van kokujiyan nekin, wê bi hezarî Elewiyên din bikujin.
Grûbên terorîst van komkujiyan kirin. Eger van sûcdaran danerizînin, li Sûriyê ti carî hûzûr çênabe.”
Ev nivîs 39 car hatiye xwendin.
