Trump: Ez ê fermaneke dîrokî ya rêveberiyê ragihînim

PeyamaKurd - Serokê Dewletên Yekbûyî yên Amerîkayê (DYA) Donald Trump di daxuyaniyeke li ser medyaya civakî ku wî wekî "posta herî bibandor" bi nav kir, ragihand ku ew ê fermanek serokatiyê îmze bike ku armanc dike bihayên dermanên bi reçete li welêt ji sedî 30 heta 80 kêm bike.

Trump angaşt ku bi vê rêziknameyê re wê li çaraliyê cîhanê buhayê dermanan zêde bibe û bi vî rengî piştî gelek salan wê dadwerî ji Dewletên Yekbûyî re were peydakirin.

Derket holê ku mijara ku Donald Trump bi gotina "ew ê yek ji postên min ên herî girîng û bibandor be" li ser hesabê xwe yê medyaya civakî meraq kişandiye, fermana serokatiyê ye ku di derbarê pergala tenduristiyê ya DYAyê de îmze bike.

Trump di daxuyaniyekê de li ser hesabê xwe yê Truth Social diyar kir ku ew ê di posta xwe ya bê de nûçeyên girîng ragihîne û destnîşan kir ku ew ê "yek ji postên wî yên herî girîng û bibandor" be.

Di posteke din a piştî vê postê de Trump destnîşan kir ku gelê DYAyê bi salan e ku ji welatên din bi qasî 5 heta 10 caran ji bo dermanan bêtir pere dide û got ku ew ê fermanek serokatiyê îmze bike ku armanc dike ku bihayên dermanan li welêt kêm bike.

Trump, bi balkişandina ser wê yekê ku Demokrat bi salan e di çareserkirina vê pirsgirêkê de bi ser neketine, got, "Ez kêfxweş im ku radigihînim ku sibê saet 9:00ê sibê li Qesra Spî, ez ê yek ji girîngtirîn fermanên rêveberiyê di dîroka welatê me de îmze bikim."

Trump got ku armanca wan ew e ku di demek kurt de bihayên dermanên bi reçete ji sedî 30 heta ji sedî 80 kêm bikin. "Bihayên derman û dermanên bi reçete dê hema hema di cih de ji %30 heta %80 kêm bibin. Biha dê li çaraliyê cîhanê zêde bibin, bi vî rengî wekhevî pêk tê û edalet ji bo cara yekem piştî gelek salan li Amerîkayê tê anîn."

Trump got ku Amerîka dê siyaseteke "neteweya herî bijarte" bicîh bîne, ku tê de Amerîka dê heman buhayê dermanan bide wekî welatê ku buhayê herî nizm li cîhanê dide. "Di dawiyê de welatê me dê bi dadperwerî were dermankirin, û lêçûnên lênihêrîna tenduristiyê yên welatiyên me dê bigihîjin astên ku berê qet ne mimkun bûn. Wekî din, Dewletên Yekbûyî dê trîlyon dolaran teserûf bike."

Ev nivîs 43 car hatiye xwendin.