YE li dijî bacên Amerîkayê tedbîrên dijber amade dike
PeyamaKurd – Seroka Komîsyona Yekîtiya Ewropayê Ursula von der Leyen got ku ew li dijî baca gumrikê ya Amerîkayê tedbîrên zêde amade dikin.
Von der Leyen li Samerqendê ku beşdarî Civîna Bilind a YEAsyaya Navîn bû, piştî ragihandina baca gumrikê ya dualî ya DYAyê daxuyanî da.
Von der Leyen diyar kir ku baca gumrukê ya ku Serokê Amerîkayê Donald Trump li dijî hemû welatan di serî de YE ragihandibû, derbeyeke mezin li aboriya cîhanê da û destnîşan kir ku ew ji ber vê yekê pir xemgîn in.
Von der Leyen diyar kir ku bacên dualî dê encamên pir mezin bi xwe re bîne û wiha got: "Aboriya dinyayê wê zirareke mezin bide, nezelalî wê zêde bibe û parêzbendî wê zêdetir bibe. Encamên wê dê ji bo bi mîlyonan mirovan li çaraliyê cîhanê xeternak be."
Von der Leyen destnîşan kir: “Hişyariya li ser zêdebûna enflasyonê "Bi mîlyonan welatî wê bi fatûreyên firoşan re rû bi rû bimînin. Derman û veguheztin wê bihatir bibin. Enflasyon wê zêde bibe. Bandora bacan wê tavilê were hîskirin û dê zirarê bide xerîdarên li çaraliyê cîhanê.”
