Hizbullaha Iraqê gefa şerê Îranê li Kurdan xwar

PeyamaKurd- Berdevkê koma Kataîb Hizbullah a Iraqê ku ji aliyê Îranê ve tê piştgirîkirin Ebû Elî El-Eskerî, hişyarî da kurdan ku nebin beşek ji tu êrîşeke leşkerî ya li dijî Îranê.
El-Eskerî di daxuyaniya xwe de destnîşan kir ku divê kurd "bi aqilane" tevbigerin û xwe ji planên Amerîkayê yên ku herêmê wekî pira derbasbûnê bikar tînin, dûr bixin.
Hevpeymaniya nû ya Rpjhilatê Kurdistanê û berteka Hewlêrê
Ev daxuyanî piştî ku pênc partiyên opozîsyona kurdên Îranê li sirgûnê hevpeymaniyek ragihandin, hate dayîn
 Hevpeymaniya partiyên Rojhilatê Kurdistanê sond xwariye ku rejîma Îranê birûxîne û mafê "çarenivîsa gelê kurd" pêk bîne. 
Li hemberî van geşedanan, Hikûmeta Herêma Kurdistanê helwesteke zelal nîşan da û gefên li dijî "welatên cîran" red kirin. 
Hikûmetê tekez kir ku ew rê nadin tu aliyekî ku xaka Herêma Kurdistanê ji bo êrîşkirina ser dewletên cîran bikar bîne.
Lihevkirina ewlehiyê ya di navbera Bexda û Tehranê de
Tê zanîn ku di sala 2023an de, Iraq û Îranê peymaneke ewlehiyê îmze kiribûn ku li gorî wê Bexdayê soz dabû komên opozîsyona kurdên Îranê ji ser sînoran dûr bixe û wan bêçek bike. Tevî ku gelek ji van koman li Herêma Kurdistanê bi cih bûne û her dem di hedefa êrîşên Îranê de ne, rûdanên dawî nîşan didin ku zextên li ser wan zêdetir dibin. Di heman demê de, îdîayên li ser êrîşên dronan ên li Silêmaniyê û lîstikên siyasî yên herêmî, rewşa ewlehiyê ya li ser sînoran bêtir aloz dikin.