Şanda Partiya DEMê wê îro bi partiyên Yekîtiya Gel re bicive
PeyamaKurd – Li ser banga Abdullah Ocalan a ji bo danîna çekan, şandeya DEMê wê îro jî serdanên xwe yên partiyê bidomîne. Şand wê îro li Meclîsê bi partiyên sereke yên Tifaqa Gel MHP û AK Partiyê re bicive.
Heyeta ku ji Hevserokên Giştî yên DEM Partiyê Tulay Hatimogullari û Tuncer Bakirhan û rayedarên partiyê pêk tê, îro saet 11:00an bi MHPê re û saet 14:00an de jî bi AK Partiyê re li Meclîsê wê bicive.
Partiya DEMê beriya niha serdana CHP, Partiya Pêşerojê, Partiya DEVA, Partiya Karkerên Tirkiyê, Partiya Festîval û EMEPê kiribû û derbarê pêvajoyê de hevdîtin kiribûn.
Serokê Giştî yê MHPê Devlet Bahçelî ku piştî emeliyata xwe hevdîtinên xwe betal kir, gotibû, "Hevdîtina heyeta DEMê ya bi partiyên siyasî re di çarçoveya bernameyekê de û piştgiriya wan a ji bo têkoşîna ji bo Tirkiyeya bêteror, cihê pesindayînê ye. Bê guman min dixwest ku di serdana duyemîn a şandeya DEMê ya ji bo Partiya Tevgera Neteweperest de amade bibûma û bi hev re nêrînên xwe parve bikim. Lê belê ez bawerim ku hevalên min ên ku ji bo nûnertiya partiya me hatine wezîfedarkirin jî wê wek min baş bin û bi germiyek zelal û paqij fikrên me ji muxatabên xwe re ragihînin. Dem hatiye ku em terorê ji jiyana me bi awayekî daîmî ji holê rakin,."
