Washington di meha Nîsanê de li Kurdistanê mîsyonekî mezin vedike
PeyamaKurd – DYA (Amerîka) plana ku di meha Nîsanê de wê li Herêma Kurdistanê balyozxana herî mezin veke ragihand ku ev yek tê vateya ku li Kurdistanê hevkariya xwe xwurt dike. Berdevka wezareta karên derve ya DYAyê Tammy Bruce roja Duşemê di civîna çapemeniyê de ragihand ku wê di meha Nîsanê de li Erbîlê merasima vekirina balyozxana (konsulxane) Amerîkayê ya herî mezin bikin.
Bruce, ragihand ku vekirina balyozxanê, nîşana girêdana DYAyê ya bi îstîqrara Herêma Kurdistanê û Iraqêye. Bruce weha got:
“Bi vekirina konsulxanê re, wê têkiliyên me bi Herêma Kurdistanê ra kûr bibin û me biryarê daye em li ser hevpariyên li pêş, bi hevre bixebitin. Ev pêngav bo xwurtkirina têkiliyan û desteka îstîqrara Iraqê girînge.”
Kompleksa Erbîlê ya konsulxaneya DYAyê ji aliyê mezinbûn û avahiya bingehîn ve, yek ji misyona herî fireh ya li dinyayê tê qebûlkirin. Vekirina bi fermî nîşan dide ku wê di hevkariya ewlehiyê de, desteka mirovî û di pêşdeçûna aboriyê de wê têkiliyên Amerîka û Kurdistanê bêhtir pêşde herin.
Berdevk Bruce, ragihand ku wê konsulxane wezîfa navendekî ya rêvebirina baş û aştiya herêmê bike. DYA, Herêma Kurdistanê wekî navendekî têkoşîna bi tundiyê re û piştî şerê Iraqê, bo îstîqrarê pêşde bibe, Kurdistanê hevparekî stratejîk dibîne.
DYA, ji sala 2007an û heya niha li Erbîlê hebûna xwe ya dîplomatîk dewam dike, di sala 2011an de kir balyozxane û di sala 2018an de avakirina konsulxanê dewam dike û bi milyon dolaran pere bo avakirina avahiyê serf dike ku ev jî kûrahiya angajmana DYAyê li herêmê nîşan dide.
Berdevka wezareta karên derve ya DYAyê Bruce, bang kir temamê partiyên siyasî yên Herêma Kurdistanê ku zûtir hukumetê ava bikin û got:
“DYA, temamê hevparan dawet dike da sîstema demokratik ya berxwedêr li Iraqê ava bikin da bo xizmeta berjewendiyên Iraqê xebatê bike, bo werin cem hev, we teşwîq dike.”
Ev hemla DYAyê, ji ber Herêma Kurdistanê hezra xwe daye ser avakirina îstîqrara herêmê, aktorekî rola xwe baş tîne cîh û dixwaze di Rojhilata Navîn de aramî hebe ye.
Ev nivîs 60 car hatiye xwendin.
