پەیامی کورد   ...   ئەو پێڵاوە سەیرانەی کە دەبێت لە خەزنەی زێڕی یەدەگی فیدراڵی نیۆیۆرک لەبەری بکەیت!

خەزێنەی زێڕی بانکی فیدراڵی نیۆیۆرک یەکێکە لە شوێنە سەرنجڕاکێش و پارێزراوەکانی جیهان بۆ هەڵگرتنی زێڕ.
بە ووتەی کارنا، خەزێنەی زێڕی بانکی فیدراڵی نیۆیۆرک یەکێکە لە شوێنە سەرنجڕاکێش و پارێزراوەکانی جیهان بۆ هەڵگرتنی زێڕ. ئەم شوێنە هەڵگرتنی زێڕە دەکەوێتە 33 شەقامی لیبرتی، مانهاتن، شاری نیۆیۆرک. ئەم خەزینەیە نزیکەی ٢٥ مەتر لە خوار ئاستی شەقام و نزیکەی ١٥ مەتر لە ژێر ئاستی دەریا درووست کراوە.
لە خەزنەی زێڕی بانکی یەدەگی فیدراڵیدا هەزاران تەن زێڕ کە زۆربەیان لەلایەن حکوومەتە بیانییەکان و بانکە ناوەندییەکانی ووڵاتانی دیکە و ڕێکخراوە نێودەوڵەتییەکانەوە خاوەندارییەتی دەکرێن.

زۆربەی زێڕەکان خاوەندارییەتی حکوومەتی ئەمریکا نین و بانکی فیدراڵی وەک پارێزەرێکی جیهانی کاردەکات.

ئەمڕۆش زۆربەی ئەو زێڕانەی لە بانکی یەدەگی فیدراڵی نیۆیۆرک هەڵگیراون، هێشتا لە خەزنەکانیدا ماونەتەوە، هەرچەندە کۆی گشتی ئەو زێڕە لە ماوەی دەیان ساڵدا کەمیکردووە. لە ساڵانی ١٩٥٠ و ١٩٦٠دا، ئەو کۆگایە نزیکەی ١٢ هەزار تۆن زێڕی تێدابوو. بەڵام بەپێی خەمڵاندنەکانی ئەم دواییە بڕی زێڕ کەم یکردووە بۆ دەوروبەری پێنج هەزار بۆ شەش هەزار تۆن.
ئەم دابەزینە بە شێوەیەکی بەرچاو دەگەڕێتەوە بۆ ئەوەی کە زۆرێک لە ووڵاتان دەستیان کردووە بە گەڕاندنەوەی یەدەگی زێڕەکانیان بۆ ووڵاتەکانی خۆیان یان پەناگە ئارامەکانی دیکە. سەرەڕای ئەم دابەزینە، بانکی فیدراڵی نیۆیۆرک هێشتا یەکێکە لە گەورەترین کۆکردنەوەی زێڕ لە جیهاندا و بەردەوامە لە ڕۆڵێکی گرینگ لە سیستەمی دارایی جیهانیدا.

کۆگای زێڕی بانکی یەدەگی فیدراڵی نیۆیۆرک ئاسایشێکی زۆر بەرزی هەیە، لەنێویاندا سیستەمی چاودێری پێشکەوتوو و دەرگای پۆڵا گەورە و پاسەوانی چەکدار.

دەرگای چوونە ژوورەوە بۆ خەزێنەکە بریتییە لە سلندەرێکی پۆڵا کە کێشی ٩٠ تۆنە و لە چوارچێوەیەکدا دانراوە کە کێشی نزیکەی ١٤٠ تۆن کۆنکرێت و پۆڵایە.

تەنها یەک دەرگای چوونە ژوورەوە هەیە بۆ چوونە ژوورەوە و دەرچوون.
گواستنەوەی زێڕ لە نێوان ئەکاونتەکاندا بە شێوەیەکی فیزیکی ئەنجام دەدرێت؛ ئەمەش بەو مانایەیە کە کرێکاران بە عەرەبانە تایبەتەکان زێڕەکە لە ڕەفەیەکەوە بۆ ڕەفەیەکی تر دەگوازنەوە.

ئەو کەسانەی کە ئەرکی جووڵاندنی داری زێڕینیان پێ سپێردراوە، پێویستە کەڤەری پێڵاوی مەگنیسیۆمی سووک بەڵام بەهێز لەبەر بکەن بۆ ئەوەی پێیەکانیان لە ئەگەری کەوتن بپارێزن.