پەیامی کورد   ...   ئەپی DeepSick بەهۆی هێرشە ئەلیکترۆنیەکانەوە لەبەردەست نەما

ئەپی چینی AI DeepSeek بەهۆی ئەوەی بە "پرسێکی تەکنیکی" وەسف دەکرێت، لەکارکەوتووە.
کۆمپانیا نەناسراوەکەی پشت ئەپەکە تۆمارکردنی نوێی سنووردار کردووە بە ژمارە تەلەفۆنەکانی ناو چین، ئەمەش بە شێوەیەکی کاریگەر ڕێگری لە بەکارهێنەرانی نێودەوڵەتی دەکات کە ناویان تۆمار بکەن.

پێدەچێت ئەمە ڕێوشوێنێک بێت بۆ سنووردارکردنی ژمارەی ئەو کەسانەی کە بەنیازن بچنە ژوورەوە و بەکارهێنانی بەرنامەکە.

هەروەها بانەرێک لە وێب چاتی ئەپەکەدا ڕایگەیاند کە خزمەتگوزارییە ئۆنلاینەکانی کۆمپانیای DeepSick تووشی "هێرشی زیان بەخشی گەورە" بووە، هەرچەندە دیاری نەکردووە کێ هێرشەکانی ئەنجامداوە.

بەگوێرەی زانیارییەکان، باشتربوونی ئەدای مۆدێلەکانی دیپسیک بووەتە هۆی ئەوەی بەهای کۆمپانیا تەکنۆلۆژییەکانی ئەمریکی یەک تریلیۆن دۆلار زیانی پێ بگات، چوونکە ترس لە پێشکەوتنەکانی چین لەو بوارەدا پەرەی سەندووە.