پەیامی کورد   ...   کچێکی تەمەن ١٨ ساڵ بە دەمانچەی یاری بانکێکی بڕی !

کچێکی تەمەن ١٨ ساڵ کە بە دەمانچەی یاری دزی لە بانکێک کرد لە شاری لیڤەرکوزنی ئاڵمانیا دەستگیرکرا. لە نزیکەی کاتژمێر ٥:٤٥ خولەکی پاشنیوەڕۆی ڕۆژی دووشەممە ٢٧ی جانیوەری ، کچەکە بە بەکارهێنانی یارییەکی کۆڵت کە لە نزیکەوە لە دەمانچەیەکی ڕاستەقینە دەچێت، هەڕەشەی لە ژنێکی بانکی کردووە و چەند هەزار یۆرۆیەکی لە خەزنەی بانکی دزیوە.

دوای کاتژمێرێک بە هاوکاری ئەو شایەتحاڵانەی کە کچەکەیان بینیبوو، لە گۆڕەپانێکی بازاڕ لە یەکێک لە قەزاکانی لیڤەرکوزن دەستگیرکرا. پۆلیس دەمانچەیەکی یاری و پارەیەکی کاش لە گیرفانیدا دۆزیەوە.

پۆلیسی تاوانەکانی لیڤەرکوزن دۆسیەیەکی لە دژی ئەو کچە تۆمارکردووە.