پەیامی کورد   ...   ئەگەری کوژرانی مۆحسێنی ئێژەیی لە لایەن ئیسرائیل ەوە ڕاگەێندراوە

بە پێی هەواڵ و زانیارییەکان دوابەدوای هێرشە چڕەکانی دوێنێی ئیسرائیل بۆ سەر زۆربەی دام و دەزگا گرینگەکانی حکوومەتی ئێران دەزگای هەواڵگری مووساد لە پەیامێکی تویتەری سەرسووڕهێنەردا بە بڵاوکردنەوەی وێنەی غۆڵام حسێن مۆحسێنی ئێژەیی سەرۆکی هێز و دەزگای قەزایی و یاسایی  ئیران و هەروەها دانانی ئاماژەی پرسیار زۆرێک لە خەڵکی ئێرانی خستە شۆک و دڵخۆشی یەوە و هۆکاری ئەوەی کە لەوانەیە ئەم هەوالە ڕاست بێت ئەوەیە کە دوێنێ ئیسرائیل لە هەموو کاتێک زیاتر بە چڕی زۆربەی ناوچە گرینگەکانی تاران ی کردە ئامانج و لە هەمان حاڵدا سەرچاوەگەلی ئاگادار لە ناوخۆی ئێران ڕایانگەیاندووە لە دوای هێرش گەلی زۆر ئەستەم و قورس و ڕێک و پێکی ئیسرائیل بۆ چەندین پێگەی گرینگی سەربازی و لەشکەری و ناوەندی فەرماندەیی پایتەختی ئێران پەیوەندی کردن لەگەڵ زۆربەی بەرپرسانی پلە باڵا و فەرماندەکان بڕدراوە .

هەروەها هەر بە پێی ئەم هەواڵە هیچ زانیارییەکی لە ڕەوشی زۆربەیان لە بەردەست نییە و تەنانەت لە ناوخۆی خودی دەسەڵاتی ڕژیمی ئێران یش سەرلێشێواوی یەکی بەرفراوان سەبارەت بە چارەنووسی ئەم کەسانە بەدی هاتووە .

کەشی ئەمنییەتی فەرمی دامەزراوەکانی ڕژیم ئەگەری بە ئامانج گرتنی ڕۆخسارگەلێک وەکوو ئێژەیی بەهێزتر کردووە .

ڕاپۆرتگەلی مەیدانی لە تاران و کەرەج ئاماژە بەوە دەکەن کە ئاستی کوژراوانی هێزەکانی سوپا و بەسیجی ئێران لە هێرشەکانی ئەم دواییەی ئیسرائیل دا لە ئاستێکدا لە سەرەوەیە کە لاشەی هەندێک لە کوژراوەکان بە لۆریگەلی خاوەن سەلاجە سەر بە کۆمپانیاگەلی ماست و شیر لەوانەش کۆمپانیای میهەن ڕادەگوێزرێن .

شایەتحاڵانی ئەم ڕووداوانە لە ڕاگواستنی بەرفراوانی کوژراوەکان بۆ ناوەندەکانی نیزامی و هەروەها دەرمانخانەکان هەواڵ دەدەن لە حاڵێکدا کە دۆخی ئەمنییەتی تووند و هەروەها کێشە لە پەیوەندییەکان ئەگەری ئەوەی کە ڕاستی و چۆنییەتی ئەم هەواڵانە دژوار دەکات . لە هەما حاڵدا بە بەراوردگەلی سەرەتایی سەرچاوەگەلی ئیسرائیلی ژمارەی کوژراوەکانی دوێنێ زیاتر لە ٦٠٠ کەس ڕاگەیاندووە . ژمارەیەکی بێوێنە کە لە مێژووی کۆماری ئیسلامی ئێران دا کەمتر بوونی هەبووە .