پەیامی کورد   ...   دەنگی فڕۆکەی جەنگی و لەرزینەوە بەهۆی تەقینەوەکان

هەواڵی بەپەلە | ڕاپۆرتی هاووڵاتیان لە باکووری ئێرانەوە : دەنگی فڕۆکەی جەنگی و لەرزینەوە بەهۆی تەقینەوەکان

دوابەدوای هێرشە بەربڵاوەکان بۆ سەر پێگە سەربازییەکانی کۆماری ئیسلامی، ڕاپۆرتی هاووڵاتییان لە پارێزگاکانی باکووری وڵاتەوە ئاماژە بە فڕینی فڕۆکە جەنگییەکان و لەرزینەوەی توند دەکەن:

▪️ هاووڵاتییەکی خەڵکی لاهیجان ڕایگەیاندووە کە گوێی لە دەنگی تەقینەوەی ترسناک بووە.

▪️ دەنگی تەقینەوەیەکی بەهێز لە نزیک بەنداوی سەنگەر بیستراوە و بە وتەی شایەتحاڵەکان هەست بە لەرزینێکی تووند کراوە.

▪️ هاوڵاتییەکی خەڵکی سیاهكل دەڵێ : ساتێک پێش ئێستا فڕۆکەیەکی جەنگی بەسەر ناوچەکەدا تێپەڕی و دەست بەجێ سێ تەقینەوەی ترسناک بیسترا”.

▪️ هەروەها لە فۆمن باس لەوە دەکرێت کە سەرەڕای ئەوەی دەنگی هیچ تەقینەوەیەك نەبیستراوە، پەنجەرەکان بۆ چەند چرکەیەک لەرزیون.

▪️ دانیشتووانی کەلاردەشت دەڵێن دەنگی فڕینی فڕۆکە سەربازییەکانیان بیستووە و پێدەچێت لە تاران بەرەو ئامانجەکان هەنگاو بنێن.

ئەم ڕاپۆرتانە ئاماژەن بۆ بەردەوامیی ئۆپراسیۆنەكانی ئیسرائیل و ئەگەری هێرشی نوێ بۆ سەر ناوەندەکانی ڕژێم.