هاوکات لەگەڵ "بەرزبوونەوەی هێرشەکان" بۆ سەر ئاسایشی گشتی لە پارێزگای لازقییە لە سوریا، بەپێی وەزارەتی ناوخۆ، فەرماندەی هێزەکانی ئاسایشی ناوخۆ لە پارێزگاکە، فەریق عەبدولعەزیز ئەلئەحمەد، دەستگیرکردنی "شانەی تیرۆریستی" ئاشکرا دەکات.

ئەلئەحمەد ڕۆژی پێنجشەممە لە بەیاننامەیەکدا ڕایگەیاند، یەکە ئەمنییەکان بە هاوکاری لەگەڵ لقی بەرەنگاربوونەوەی تیرۆر توانیان ئۆپەراسیۆنێکی ورد ئەنجام بدەن دوای چاودێری و بەدواداچوونێکی ورد، لە ئەنجامدا شانەیەکی تیرۆریستی دەستگیرکرا کە پلانی تیرۆرکردنی چالاکوانانی میدیایی و کەسایەتییە دیارەکانی بە ئامانجی تێکدانی سەقامگیری ئاسایش و سەقامگیری ناو پارێزگاکە.

هەروەها ئاماژەی بەوەدا کە لێکۆڵینەوە سەرەتاییەکان تێوەگلانی ڕامی مەخلوف (ئامۆزای بەشار ئەسەد سەرۆکی پێشووی سوریا)یان لە پاڵپشتی و داراییکردنی شانەکەدا ئاشکرا کردووە، لەگەڵ لایەنە دەرەکییەکانی تر کە بە دوای چاندنی ئاژاوە دەدەن.

ڕوونیشیکردەوە، لێکۆڵینەوەکان بەردەوامن وەک ئامادەکارییەک بۆ ڕەوانەکردنی ئەو کەسانە بۆ بەشی بەرەنگاربوونەوەی تیرۆر.

ئەم بابەتە 13 جار خوێندراوەتەوە